हुम्ला । मोटरसाइकलमा सिमकोट आइपुगेका दुई जना भारतीय धार्मिक पर्यटकलाई सिमकोटमा स्वागत गरिएको छ। भारतीय धार्मिक पर्यटक भारतबाटै मोटरसाइकलमा लाप्चा जानका लागि सिमकोट आइपुगेका हुन् ।

नेपाली भूमि लाप्चा क्षेत्रबाट मानसरोवर कैलाशको दूरदर्शन गर्न ती धार्मिक पर्यटकहरु सडकमार्गबाट सिमकोट आइपुगेको पर्यटन व्यवसायी रामजन रावतले बताए ।

नेपाली भूमिलाई महत्व दिएर मानसरोवर कैलाशको दूरदर्शन गर्न आएका कारण सिमकोटमा स्वागत गरेर उनीहरुलाई हौसला प्रदान गरिएको उनले बताए । जोतपुर राजस्थान निवासी रविन्द्र सोलाकी र ऋषभ पालीवाल मोटरसाइकलमा हुम्ला आइपुगेका हुन्।

लाप्चा क्षेत्रको प्रचारप्रसार गर्ने र अन्य भारतीय धार्मिक पर्यटकहरुलाई पनि आकर्षण गर्नका लागि आएको सोलाकीले बताए।