हुम्ला । दुई दिनदेखि अवरुद्ध भएकाे हवाई सेवा सुचारु भएको छ । भदौ २६ गतेदेखि जिल्लामा आएको माैसम परिवर्तनका कारण अवरुद्ध भएकाे हवाई सेवा भदौ २८ गते सुचारू भएकाे हाे ।
बिहीबारबाट अबरुद्ध भएको हुम्लाको हवाई सेवा सुचारु भएको सिमकाे विमानस्थल स्थलको स्रोतले जनाएको छ ।
बिहीबार र शुक्रवार बिहानैबाट जहाज नेपालगंजबाट सिमकोट उडानका लागि तयारी अवस्थामा रहेको भएपनि लगातार वर्षा भई रहेको कारण हवाई सेवा अबरुद्ध भएको थियो । शनिवार भने नेपालगंजबाट सिमकोटका लागि चार वटा उडान भएको छ ।
जसमा सीता एयरले दुई वटा र समिट एयरले दुई उडान भरेका छन् । हवाई सेवा सुचारु भएपछि नेपालगंजबाट सिमकोट आउने यात्रुहरु आउन पाएका छन् । भने सिमकोटबाट नेपालगंज जाने यात्रुहरुलाई पनि सहज भएको छ ।