हुम्ला । हुम्लाको सर्केगाड गाउँपालिकाका उपाध्यक्ष चन्द्रसिंह कार्की (मुक्ति) को गाडी दुर्घटनामा परी निधन भएको छ । भदौ ३ गते सुर्खेतबाट नेपालगञ्ज जाँदै गरेकाे कर्णाली प्रदेश ०२००१ ख १०११ नम्बरको फोर्स गाडी सुर्खेतको भेरीगंगा नगरपालिका–५ को एमाले मोडमा दुर्घटना हुँदा उपाध्यक्ष कार्की सक्त घाइते भएका थिए ।
दुर्घटना लगत्तै घाइते कार्कीलाई साेहिदिन उपचारका लागि नेपालगञ्ज मेडिकल कलेज भेरी अस्पतालमा लगिएको थियो । उपाध्यक्ष कार्कीको उपचारका क्रममा साेहिदिन राती २ बजे निधन भएको अस्पताल स्रोतले जनाएको छ ।
गाडीमा भएका अन्य २४ जना यात्रु घाईते भएका थिए । अन्य घाइतेहरुको सोही अस्पतालमा उपचार भईरहेको छ । उनिहरु मध्य कोही सामान्य र कोही सक्त घाइते भएको अस्पताल स्रोतले जनाएको छ ।
दुर्घटनामा परी मृत्यु भएका उपाध्यक्ष कार्की नेकपा माओवादी केन्द्रको तर्फबाट ०७९ मा हुम्लाको सर्केगाड गाउँपालिका उपाध्यक्ष पदमा निर्वाचत भएका थिए ।