हुम्लाको मध्य क्षेत्र सर्केगाड गाउँपालिका वडा नम्बर ६ तल्लाे छ्यागी घर भएका १७ बर्षिय गाेपाल शाही (माइकल) भनिएका बालक हराएका छन् । उनी चैत १७ गते आइतबार बेलुका ६ः ४५ बजे देखि काेठाबाट निस्किएको र अहिले सम्म काेठा नफर्किएकाे आफन्त चन्द्र बहादुर शाहीले जानकारी दिए ।
भर्खरै एसइई दिएका बालक वेपत्ता भएपछि खाेजि कार्यका लागि जिल्ला प्रहरी कार्यलयमा निवेदन दिएकाे प्रहरीले जानकारी दिएकाे छ । तर उनलाई फेला पार्न सकेकाे छैन ।
घरमा पनि नगएकाे हुदा स्थानीयले विभिन्न ठाउँ र गाउँमा खाेजि कार्य गरेपनि फेला नपरेकाे जनाएका छन् । उनी यस अघि सिमकाेट तल्लो बजार बस्दै आएका थिए । उनी छ्यागी राज बहादुर शाहीका छाेरा हुन ।
उनलाई कसैले देखे वा भेटेमा आफन्त चन्द्र बहादुर शाही काे माेवाइल नम्बर ९८६४९५१५९३ र ९८४८१०६५७ र नजिकैकाे प्रहरी चाैकिमा जानकारी गराइ दिन आफन्तले आग्रह गरेका छन् ।