हुम्ला । नेपाल पत्रकार महासंघको ७० औं स्थापना दिवसको अवसरमा जिल्ला अस्पतालमा भर्ना भएका बिरामीहरुलई विभिन्न सामान सहयोग गरिएको छ । उक्त सामान नेपाल पत्रकर महसंघ हुम्ला शाखाको आयोजनामा प्रदान गरिएको हाे ।

महासंघ स्थापना दिवसको पछिल्लो दिन पारेर जिल्ला अस्पतालमा भर्ना भएकका बिरामीहरुलाई हर्लिक्स र अण्डा बितरण गरिएकाे महासंघ हुम्लाका उपाध्यक्ष सुरेश परियारले बताए ।
महासंघ हुम्लाका अध्यक्षा राजन रावतको नेतृत्वमा गएको टोलीले दश जना बिरामीलाई बितरण गरिएको हो । बिरामीहरुलाई पोषणयुक्त खानेकुराले स्वास्थ्यमा सुधार आओस भन्नका लागि प्रदान गरिएको अध्यक्ष रावतले बताए ।

बिरामीलाई यी खानेकुरा स्वास्थ्य सेवा कार्यालयकी प्रमुख प्रतिक्षा भारती महासंघका पुर्व अध्यक्षद्धय कर्णबहादुर रोकाया र अर्जुन बोहरा, उपाध्यक्ष परियार, सदस्य लोग भण्डारी, संस्थापक सदस्य मिमसिंह नेपाली पत्रकार बेलुमाया महाताराले बितरण गरेका थिए ।
यो कार्यक्रम महासंघले चैत १६ गते राखेकोमा राजावादीहरुको आन्दोलनका क्रममा काठमाडौंमा फोटो र भिडियो संकलन गरि रहेका पत्रकार सुरेश रजकको हत्याको कारण महासंघ केन्द्रले यो कार्यक्रम स्थगित गरेको थियो । सवै तयारी भएको कारण चैत १७ गते बितरण गरिएको बताइएको छ ।