पत्रकार रजककाे हत्यारालाई कारबाहीकाे माग गर्दै हुम्लामा पनि विरोध प्रदर्शन

Logo
ओबराज शाही शनिबार, चैत्र १६, २०८१

नेपाल पत्रकार महासंघ हुम्लाको आयोजनामा पत्रकार हत्याको विरोधमा शनिबार सिमकाेटमा प्रदर्शन गरिएको छ।
समाचार संकलनकै क्रममा पत्रकारको हत्या भएको र आमसञ्चार माध्यममा आक्रमण गरिएको विरोधमा हुम्लाका पत्रकारहरू पनि आन्दोलित भएका हुन् ।

हुम्ला शाखाको भवनबाट सुरु भएको पत्रकारहरुको प्रदर्सन तल्लो बजारकाे धुपिरुख हुँदै माथिल्लो बजारकाे लाेकतन्त्र चाेक गएर सभामा परिणत भएको थियो।

शुक्रबार भएको राजावादीहरुको आन्दोलनमा एभिन्युज टेलिभिजनमा कार्यरत पत्रकार सुरेश रजकको मृत्यु भएको थियो । रजकले भिडियो खिचिरहेको घरमा राजावादी प्रदर्शनकारीहरूले आगो लगाएका थिए । उनको जलेर मृत्यु भएको थियो । उनको हत्याको विरोधमा आज नेपाल पत्रकार महासंघ हुम्लालाले पनि देश भरि विरोध प्रदर्सन गरेको हो ।

आज पत्रकार महासंघको स्थापना दिवस भए पनि पत्रकार र मिडियामाथि आक्रमण भएपछि महासंघले पूर्वनिर्धारित कार्यक्रम स्थगित गरेर विरोध प्रदर्शन गरेको हो ।

कार्यक्रममा नेपाल पत्रकार महासंघ हुम्ला का अध्यक्ष राजन रावत , उपाध्यक्ष सुरेश परियार, सहसचिव भक्तराज ऐडी, काेषाध्यक्ष मन्दिर सिंह पर्व महासंघका अध्यक्ष अर्जुन बाेहारा, मिम सिह नेपाली, कर्ण राेकाया , महासंघका सदस्य र विभिन्न संगठनका पत्रकार लगायतकाले पत्रकार हत्याको विरोध गर्दै दोषीलाई कारवाहीकाे माग गरेका छन् ।

प्रतिक्रिया
हाम्रो टीम

प्रबन्ध निर्देशक: नन्द सिंह
सम्पादक: लक्ष्मी बुढा
सह–सम्पादक: ओबराज शाही
प्रमुख रिर्पोटर: लोग भण्डारी
रिर्पोटर: ऐटन रावल

सम्पर्क

karnaliserophero.com
tel: ०८७६८०१६२
mobile no : ९८४८३१८०९२
karnaliserophero[email protected]
[email protected]

हाम्रो बारे

सूचना विभाग दर्ता नं. ४८५८–२०८१–२०८२

    प्रकाशक
रेजिना मल्टी मिडिया
सिमकोट ५ , हुम्ला