हुम्ला । खानेपानीका पाइप बाटाेमा लथालिङ्ग भएपछि मानिसलाई हिड्न गार्हो भएकाे छ । जिल्लाकाे सदरमुकाम सिमकाेटकाे एक ठाउँ मात्र नभएर बजारका विभिन्न चाेक देखि गल्ली सम्मका साँगुरा बाटामा खाने पानीका पाइप जथाभावी बाटाेमा खन्दै जाेड्दै गर्दा बाटाे जस्तो नभएर पाइप लाइनकै लागि बनाएकाे बाटाे जस्तो हुँदै आएकाे हाे ।
सिमकाेट गाउँपालिका वडा नम्बर ६ काे हिमाली बाेडिङकाे मेन बाटाेमा जथाभावी जबर्जस्त बाटाे खनेर पाइप जाेड्ने क्रमले बाटाेमा लथालिङ्ग पाइप भएकाे हुदा पनि खानेपानी उपभोक्ता समितिले कुनै वास्ता नगरेकाे देखिदै आएकाे छ ।
उक्त बाटाेमा लथालिङ्ग करिब ३० वटा भन्दा बढि पाइप लाइन छन् । उक्त बाटाे हिमाली र कैलाश बाेदि बाेडिङ स्कुल जाने मुख्य बाटाे पर्ने भएकाले साना बिद्यार्थीहरुलाई आवत जावत गर्न मुस्किल हुने र उक्त पाइपमा चिप्लिएर लड्ने गरेकाे धेरै घटना भएकाे स्थानीयले बताइ सकेका छन् ।
स्थानीयका अनुसार पाइपले दैनिक दिन उक्त दुई बिद्यालय पढ्ने बिद्यार्थीका अभिभावकले हात समातेर उक्त बाटाे पार गर्नु परेकाे दैनिकी जस्तै भएकाे एक बिद्यार्थीका अभिभावकले गुनासो गरे ।
बिद्यार्थीलाई मात्र नभएर उक्त बाटाेमा बृद्धअवस्था भएका मानिसलाई पनि बाटाे हिड्न गाराे भएकाे देखिन्छ । उक्त बाटाेकाे पाइपले गर्दा बृद्धअवस्थाका मानिस टेलिकमकाे बाटाे हिड्नु पर्ने बाध्य छन् । उक्त बाटाे हिड्दा पाइपले चिप्लिएर ढाड, खुट्टा ,हातमा चाेट लाग्ने हुदा अर्को बाटाे हिड्नु परेकाे स्थानीयले गुनासो गरेका छन् ।
बाटाे नभएर पाइपै- पाइप हुदा राति हिड्न पनि समस्या भएकाे हाे । बजारमा एकै घरमा दुई तीन खानेपानीका पाइप लाइन लिनु र बिग्रेको पाइप सुधार नगरेर मनपरी बाटाेमा खनेर आफै जाेडेर पाइप लाइन लिने हुदा याे समस्या देखिएकाे छ ।
सदरमुकाम सिमकाेट बजार ब्यवस्थापन गर्न कसैकाे ध्यान नगएकाे देखिन्छ । यसमा सम्बन्धित निकाया र स्थानीय सरकारकाे कम्जोरी देखिए पनि सुधारमा बेवास्ता गरिदै आएकाे देखिन्छ ।