

हिमाली जिल्ला हुम्लाको यस वर्षको एसइईमा १ हजार १५ जना विद्यार्थी मध्ये नाै सय ८८ जना विद्यार्थी परिक्षामा सहभागी भएका छन् । जिल्लाका सात वटा परिक्षा केन्द्रमा जिल्लाका सात वटा परिक्षा केन्द्र बाट १ हजार १५ जना विद्यार्थी मध्ये नाै सय ८८ जनाले मात्र आज एसइइको परिक्षामा सहभागीता जनाएको शिक्षा विकास तथा समन्वय इकाइ प्रमुख योगेश आले मगरका बताए ।
प्रमुख मगरका अनुसार साधारण नियमित तर्फ छात्रा ४ सय १० र छात्र ४ सय ३७ गरी जम्मा ८ सय ६१ जना भएपनि १४ जना अनुपस्थित भएका छन् भने त्यस्तै प्राविधिक नियमित तर्फ छात्रा ४६ छात्र ४३ गरी जम्मा ८१ जना बिद्यार्थी थिए । अंग्रेजीमा ग्रडवृद्धि छात्रा २४ छात्र २८ गरी जम्मा ५२ जना भएपनि छात्रा ९ छात्र ४ गरी १३ जना परिक्षामा उपस्थित भएनन् । जम्मा नाै सय ८८ जनाले आज अंग्रजी विषयको परिक्षा दिएका छन ।
यसवर्षबाट एसईई परिक्षाका लागि सात वटा परिक्षा केन्द्र निर्धारण गरिएको छ । यी परिक्षा केन्द्रहरुमा सिमकोट गाउँपालिकाको मानसरोवर मावि केन्द्र र बाल मन्दिर मावि केन्द्र रहेका छन् भने खार्पुनाथ गाउँपालिकाको सीता मावि केन्द्र रहेको छ । त्यसैगरि सर्केगार्ड गाउँपालिकाकाे हिमज्योति मावि सर्केगार्ड केन्द्र र कोट मावि रोडीकोट केन्द्र रहेका छन् । त्यसैगरि अदानचुली गाउँपालिकाको सुर्योदय मावि केन्द्र र ताँजाकोट गाउँपालिकाको मदनादेव मिवि केन्द्र रहेका छन् । सातै परिक्षा केन्द्रमा सान्त तरिकाले परिक्षा संचालन भएकाे थियो । जिल्लाका सातै वटा केन्द्रमा परिक्षा सान्तपुर्ण पार्न सुरक्षाकर्मीकाे निकै जनशक्ति परिचालन गरिएकाे छ । ८ गते अनिवार्य नेपाली बिषयकाे परिक्षा संचालन हुदै छ ।