सर्केगार्ड बहुमुखी क्याम्पस अनेरास्ववियुका जयराज सन्ज्याल सर्वसम्मत स्ववियु सभापति चयन भएका छन् । सोमबार क्याम्पसका वटा बिधार्थी संगठनबिच बसेको बैठकले अनेरास्ववियुका सन्ज्याललाई सभापतिमा सर्वसम्मत गर्ने निर्णय गरेको हो । स्ववियु पदाधिकारी सबैमा मनोनयन दर्ता भएको भएपनि विधाथीं संगठनविच सहमति गराउने प्रयास जारि राखेको र आज त्यसले सकरात्मक रुप लिएपछि सबै पदमा सर्वसम्मत भएको हो ।
जस अनुसार अब स्ववियु सभापति अनेरास्ववियुबाट अध्यक्षमा सन्ज्याल, उपाध्यक्षमा अनेरास्ववियु क्रान्तीकारीका हेमन्तबहादुर शाही, सचिवमा अखिल समाजवादीका उपेन्द्र रावल, सहसचिवमा नेविसंघका अर्जुन ठगुल्ला, कोषाध्यक्षमा नेविसंघ कै कुम्भ फडेरा सर्वसम्म्त चयन भएको छन त्यसैगरि सदस्यहरुमा नेविसंघबाट तीन जना, अनेरास्ववियुबाट तीन जना, अखिल क्रान्तिकारीबाट तीन जना र अखिल समाजवादीबाट एक जना चयन भएका छन् ।
सिमकोट गाउँपालिकाको मानसरोवर बहुमुखी क्याम्पसमा स्ववियु सभापतिमा नेपाल बिधार्थी संघका सागर शाही चयन भएका थिए भने सचिवमा अनेरास्वयिुका जुमन बोहरा र कोषाध्यक्षमा अखिल क्रान्तीकारीकी लक्ष्मी रावल चयन भएका थिए । त्यसैगरि सदस्यहरुमा पनि तीन वटै बिधार्थी संगठनको सहमतिमा चयन भएका हुन ।
त्यस्तै अदानचुली गाउँपालिकाको गल्फा बहुमुखी क्याम्पसमा पनि तीन वटै संगठनहरु मिलेर सर्वसम्मत कार्य समिति चयन भएको थियो । जसमा स्ववियु सभापतिमा अखिल क्रान्तीकारी रिमिलाल बुढा सर्वसम्मत चयन भएका थिए । सचिवमा नेविसंघका शंखुलाल जैसी र कोषाध्यक्षमा अनेरास्ववियुका सर्मिला फडेराको एकल चयन भएका थिए । त्यसैगरि अन्य सदस्यहरु पनि तीन वटै संगठनको सहमतिमा सर्वसम्म्त चयन भएका थिए ।