स्थानीय सरकारले आफ्नाे मातहत भित्र भएका ब्यबसायलाई ऐन संचालन गरेर करकाे दायरामा ल्याउने भन्ने जस्ता नियाम तथा बिषयकाे बारेमा जानकारी गर्नकाे लागि सिमकाेट गाउँपालिकाले आर्थिक ऐन २०८१/०८२ काे छलफल तथा अभिमूखिकरण कार्यक्रम संचालन गरेकाे छ ।
सिमकाेट गाउँपालिकाले अन्य गाउँपालिका भन्दा करकाे दायरामा ल्याउने र कर बृद्धि गर्ने लक्ष हासिल गरेकाे हुदा आईतवार गाउँपालिकाले अन्तरक्रिया कार्यक्रम संचालन गरेर सम्पुर्ण ब्यबसाय र सरकारवाला निकायालाई जानकारी गराउने उदेश्यले याे कार्यक्रम गरेकाे गाउँपालिका राजस्व शाखा प्रमुख दलजित कार्किले बताए ।
प्रमुख कार्कीका अनुसार सिमकाेट गाउँपालिकाले अहिले सम्म पारित गरिएकाे करकाे दायरा मालपोत कर, घरवाल कर, ब्यबसाय कर, कवाडी सामानकाे कर, सवार कर, सेवा शुल्क र दस्तुर कर उठाएकाे छ भने सम्पत्ति कर र बिज्ञापन कर गाउँपालिकामा पारित भएकाे भएपनि अहिले सम्म करकाे दायरामा ल्याउन नसकेकाे जनाए ।
सिमकाेट गाउँपालिकाले विभिन्न शिर्षकमा कर उठाउने क्रम अझै जारी गर्ने देखिएकाे छ । अन्तरक्रिया कार्यक्रममा जिल्लाकाे राजस्व असुलीमा काम गर्ने प्रदेश लेखा कार्यलयका लेखापाल बल बहादुर राेकायाले आफ्नाे कार्य क्षेत्रमा पर्ने करकाे दायराकाे बारेमा जानकारी गराएका थिए ।
त्यस्तै उपभोक्ताकाे हक अधिकारमा काम गर्ने उद्योग तथा उपभोक्ता हित संरक्षण कार्यलयका प्रमुख श्री बहादुर बिष्टले पनि साना र ठुला उद्योगलाई बिभाजन गरेकाे र स्थानीय सरकार र उद्योग कार्यलयकाे काम एकै भएपनि नियाम फरक भएकाे कुरा प्रष्ट पारे ।
सुर्तीजन्य प्रदार्थ , मदिरा ब्यबसाय कसरी संचालन गर्ने यसकाे नियाम के छ भन्ने बिषयमा काेष नियन्त्रण प्रमुख चुडामणिा बिकले ब्यबसायलाई जानकारी दिए ।
त्यस्तै पत्रकार महासंघ हुम्लाका उपाध्यक्ष छपाल लामाले करलाई मात्र नभएर अनुगमन सँगै सेवा प्रदायककाे कुरा बाहिर ल्याउन जाेट दिइन् । ब्यबसाय लाई करकाे भारि मात्र नबाेकाएर ब्यबसायकाे पाटाेकाे पनि ब्यबस्थापन गर्नु पर्ने उद्योग बाणिज्य सँघ अध्यक्ष राम बहादुर भन्डारीले बताए ।
बजार अनुगमन तीन तहबाट हुने भएकाले तीन तहकै पाटाे फरक हुन्छ । जिल्लामा तीन तह मध्य स्थानीय सरकारकाे बडि भुमिका रहने, त्यस्तै राजस्वमा पनि हक लाग्ने हुदा ब्यबसाय प्रबर्द्धन गर्न स्थानीय सरकारले जाेट दिनु पर्ने प्रमुख जिल्ला अधिकारी नारायण पान्डेले बताए ।
ब्यबसाय भनेकाे सिमा नागेर गर्ने हाेइन, त्यसकाे पनि नियम छ, नियम टेकेर ब्यवासाय गर्न गाउपालिका अध्यक्ष बिजय भन्डारीले अनुरोध गरे । कर तिर्ने सेवा लिने कुरा समाजमा नपुगेकाे तर तिर्नु पर्छ भन्ने ब्यक्तिहरु सँग अन्तरक्रिया भएकाे हुदा अब वडा सरकारले पनि गाउँमा गएर यस्तो कार्यक्रम राख्न कार्यक्रमका प्रमुख अथिति एवम् जिल्ला समन्वय उपप्रमुख दलु फडेराले अनुरोध गरे ।
सिमकाेट गाउँपालिकाले अहिले ल्यायकाे कार्यविधि कतै सच्याउनु परेपनि सच्याउने गाउँपलिका उपाध्यक्ष तथा कार्यक्रमका अध्यक्ष सुशीला राेकायाले बताइन् । त्यस्तै गाउँपालिकाले २०७९/८० मा १ कराेड ,२०८०/८१ मा ५६ लाख राजस्व संकलन भयाे भने २०८१/८२ अहिले सम्म करिब २१ भन्दा बडि उडान सफल भएकाे जनाइन् । राजस्वबाट उठेको रकम कतै खर्च नगरेर जम्मा गरेकाे पनि उनकाे भनाइ छ।
कार्यक्रममा उपस्थितिहरुले उठाएका जिज्ञासाकाे क्रमस विभिन्न निकायका प्रमुखले त्यसकाे जबाफ दिएका थिए।अन्तरक्रिया कार्यक्रममा गाउँपालिका अध्यक्ष भन्डारी, उपाध्यक्ष राेकाया, समन्वय उपप्रमुख फडेरा, प्रमुख जिल्ला अधिकारी पान्डे, गाउँपालिका प्रमुख प्रशासकीय अधिकृत बर्ख फडेरा, उद्योग बाणिज्य संघका अध्यक्ष भन्डारी, राजस्व संकलनमा काम गर्ने संस्थाका प्रमुख प्रतिनिधि , जिल्लाका हाेटल,पसल र अन्य ब्यबसाय र पत्रकारहरुकाे सहभागी रहेकाे थियाे ।