हुम्ला । प्रेस सेन्टर नेपाल हुम्लाको अध्यक्षमा तलिसरा विक सर्वसहमत निर्वाचीत भएकी छन् । नेपाल कम्युनिष्ट पार्टी (नेकपा माओवादी केन्द्र) आवद्ध प्रेस सेन्टर नेपाल हुम्लाको पाँचौ जिल्ला अधिवेशनबाट विक सहितको नयाँ कार्य समिति चयन भएको छ ।

जसमा अध्यक्षमा तिलसरा विक, खुल्ला उपाध्यक्षमा भक्तराज ऐडी, महिला उपाध्यक्षमा सिर्जना विक, सचिवमा अविनास लामा, खुल्ला सह–सचिवमा दिनेश रावत, समावेशी सह–सचिवमा कमिलाल ऐडी, काेषाध्यक्षमा जय भण्डारी लगायत १५ सदस्यीय जिल्ला कमिटी सर्वसहमतिबाट गठन भएको छ ।

पुस २० गते भएकाे जिल्ला अधिवेशनले जिल्ला कमिटीमा सर्वसहमतिका साथ कमिटी गठन गरेकाे अध्यक्ष विकले जानकारी दिइन ।