हुम्ला । सिमकोट गाउँपालिका–४ को हेल्दुम गाउँका अन्दाजी ३८ वर्षीय चिरञ्जीवी शाही मृत अवस्थामा भेटिएका छन् ।
मृतक शाहीको लाश पावरहाउस नजिक रहेको भदुखोलामा बेवारिसे अवस्थामा भेटिएको छ प्रहरी नायव उपरीक्षक रवीन्द्र खानलले जानकारी दिए ।
पुस २० गते वडा नम्बर ४ हिल्दुम गाउँका स्थानीय नरेन्द्र शाहीले खोलामा बेवारिसे लाश भेटाएकाे भन्ने जानकारी दिए लगत्तै प्रहरी निरिक्षक सुरेश सुवेदी नेतृत्वको टाेलि घटना स्थलतर्फ लागेकाे नायब उपरीक्षक खानलले बताए ।
भदुखोलाको ५० मिटर टाढा भेटिएको लाश माथिल्लो शरीर पानीमा डुबेको र तल्लो शरिर मात्रै देखिएको थियाे । उक्त लाशलाई आजै सदरमुकाम सिमकाेट ल्याउने प्रहरीले जनाएको छ ।