हुम्ला । जिल्ला स्तरीय अण्डर १३ अन्तर विद्यालय स्तरीय फुटवल प्रतियोगिताको फाईनल खेलमा कैलाश बोधी स्कुल विजेता भएको छ । आईतबार भएको फाईनल खेलमा सो विद्यालय बिजेता भएको हो । अण्डर १३ को फाईनलमा कैलाश बोधीले बालमन्दिर माविलाई पराजित गर्दै बिजेता भएको छ ।

निर्धारित खेलमा बराबरीमा टुङ्गिएपछि खेल पेनाल्टी सुट आउटमा गएको थियो । पहिलो चरणमा पाँच पाँच जनाले बराबरी गोल गरेपनि खेल अझै रोचक लयमा गएको थियो । फुटबलको नियम अनुसार खेल सडेज गेजमा गएको थियो ।
जसमा कैलाश बोधी गोल हान्न सफल भएको थियो भने बालमन्दिर चुकेको थियो ।

सो प्रतियोगिता गत बिहिबार सुरु भएको थियो । लिटिल एन्जल्स स्वर्गीय भुपेन्द्र रावतको स्मृतिमा उक्त प्रतियोगिता हुम्ला फुटवल ऐकेडेमीले आयोजना गरेको हो । प्रतियोगितामा अण्डर १७ मा चार वटा र अण्डर १३ मा चार टिमको सहभागिता रहेको थियो ।