हुम्ला । नेकपा एमाले खार्पुनाथ गाउँ कमिटीको आयोजनामा शुभकामना आदान प्रदान कार्यक्रम आयोजना गरिएको छ । बडा दशै २०८१ को अवसरमा एमाले खार्पुनाथ गाउँकमिटीले सो कार्यक्रम आयोजना गरेको हो ।

एक आपसमा भेटघाट, माया आदान प्रदान, दशैको शुभकामना दिने उद्धेश्यका साथ कार्यक्रम आयोजना गरिएको एमाले हुम्लाका उपाध्यक्ष प्रकाश बहादुर शाहीले बताए । कार्यक्रममा शाहीको पनि सहभागिता रहेको थियो ।

कार्यक्रममा सहभागी सवैले बडा दशैको शुभकामना दिने काम गरेका थिए । गाउँपालिका केन्द्र याङ्चु बजारमा एमाले खार्पुनाथ गाउँपालिका कमिटीका अध्यक्ष गिठ्या ऐडीको अध्यक्षतामा कार्यक्रम सञ्चालन भएको थियो ।

कार्यक्रममा खार्पुनाथ गाउँपालिकाबाट एमालेको जिल्ला कमिटीमा रहेका पदाधिकारी र सदस्य तथा कमिटीका पदाधिकरी र सदस्यहरुका साथै एमालेका आस्थावानहरुको पनि उपस्थिती रहेको थियो ।