हुम्ला । चंखेली गाउँपालिकामा जीप दुर्घटनामा परि थप एक जनाको मृत्यु भएको छ । गत भदौ ५ गते दुर्घटनामा परी घाइते भएका चंखेली गाउँपालिका– २ का तीलबहादुर शाहीको उपचारका क्रममा भदौ ९ गते मृत्यु भएको हो ।

गम्भीर घाइते भएका शाहीको कर्णाली प्रदेश अस्पताल सुर्खेतमा उपचारका क्रममा मृत्यु भएको छ । चंखेली गाउँपालिका– २ गौरीसल्लामा भएको बोलेरो जिप दुर्घटना हुँदा घाइते भएकाहरु मध्य मृत्यु हुनेको संख्या दुई पुगेको गाउँपालिका अध्यक्ष प्यारीलाल शाहीले जानकारी दिए ।

उनि लगायत चार जनालाई जिप दुर्घटना भए लगत्तै हेलिकोप्टर मार्फत कर्णाली प्रदेश अस्पताल सुर्खेत लगिएको थियो । उपचारकै क्रममा यस अघि भदौ ६ गते घाईते रमेश मल्लको मृत्यु भएको थियो । अन्य घाइते मध्ये तीन जनाको मुगुको सदरमुकाम गमगढीको जिल्ला अस्पतालमा उपचार भइरहेको छ भने अन्य दुई जनाको कर्णाली प्रदेश अस्पताल सुर्खेतमा उपचार भइरहेको छ ।

उनिहरूको उपचारका लागि विभिन्न सरोकावाला निकाय र राजनिति दलका नेताहरुले समेत पहल गरेपछि जिल्ला बाहिर उद्धार भएको थियो ।