हुम्ला । हुम्लाको चंखेली गाउँपालिका वडा नम्वर ४ स्थित लोतिखोलामा परेका एक जना वृद्धको प्रहरीले उद्धार गरेको छ । चंखेली गाउँपालिका वडा नम्वर २ दार्माका ६६ वर्षीय धर्म बहादुर शाही साउन १६ गते दिउसो साढे २ वजेको समयमा मुख धुने क्रममा लोति खोलामा खसेका थिए ।
खोलामा परेर करीव १० मिटर तलसम्म बगाएर लगेका शाहीलाई प्रहरीको सहयोगमा सोही दिन उद्धार गरिएको जिल्ला प्रहरी कार्यालय हुम्लाका प्रहरी निरिक्षक (सुचना अधिकारी) नरेन्द्र बहादुर चन्दले जानकारी दिए ।
सुचना अधिकारी चन्दले शाही मुख धुने क्रममा चक्कर आएर पिप्लाङ स्थित लोति खोलमा खसेको बताएका छन् । उनको मेल्छाम प्रहरी चौकीका प्रहरी सहायक निरिक्षक रमेश महताराको नेतृत्व टोलिले उद्धार गरेको थियो ।
खेलामा परेका शाहीको उद्धारपछि तत्काल चंखेली गाउँपालिका वडा नम्वर ४ मा रहेको बर्थिङ सेन्टर पिप्लाङमा उपचार हुनुका साथै अहिले उनको अवस्था सामान्य रहेको प्रहरीले जनाएको छ ।