हुम्लाको मध्य क्षेत्र सर्केगाड गाउँपालिका वडा नम्बर ६ तल्लाे छ्यागी घर भएका १७ बर्षिय गाेपाल शाही (माइकल) भनिएका  बालक एक हप्ता पछि सकुशल भेटिएका छन् । उनी चैत १७ गते आइतबार बेलुका ६ः ४५ बजे देखि काेठाबाट निस्किएका थिए । काेठा नफर्किएकाे पछि आफन्तले खाेजि गर्दा एक हप्ता पछि खार्पुनाथ गाउँपालिकाकाे बाेक्चे गाैडा सकुशल भेटिएकाे सर्केगाड गाउँपालिका स्थानीय कबिन्द्र शाहीले बताए । हराएका बालक आज बिहान आफन्तले भेटाएपछि प्रहरीकाे जिम्मा लगाएकाे जनाए ।

उनले भर्खरै एसइई दिएर एक हप्ता अगाडि वेपत्ता भएपछि खाेजि कार्यका लागि जिल्ला प्रहरी कार्यलयमा निवेदन दिएकाे र प्रहरीले पनि खाेजिकार्य तिब्र पारेकाे थियाे । कतै नभेटेपछि आफन्तलाई खबर गर्दा उनलाई भेटिएकाे हाे । बेपत्ता बालकलाई जिल्ला प्रहरी कार्यलयमा साेधपुचकाे लागि ल्याएकाे छ । सबै कार्य पूरा भएपछि उनलाई आफन्तकाे जिम्मा लगाउने जानकारी प्रप्त भएकाे छ ।