शिक्षकहरू फेरि आन्दोलित भएका छन्। विद्यालय शिक्षा ऐन जारीको माग गर्दै उनीहरू आन्दोलित भएका हुन्। विद्यालय तहको एस इइ परीक्षा सकाएर हुम्ला जिल्ला भरिका शिक्षकहरू सदरमुकाम सिमकाेटमा भेला भइ प्रदर्शनमा उत्रिएका हुन् ।
उनीहरूले ‘विगतमा भएका ‘सम्झौता कार्यान्वयन गर’, ‘शिक्षा ऐन जारी गर,’हाम्रो माग पूरा गर’,’शिक्षक पेशालाई सम्मान गर,’लगायत विभिन्न नारा छातिमा लगाउँदै प्रदर्शनमा उत्रिएका छन्।नेपाल शिक्षक महासंघको अगुवाइमा उक्त आन्दोलन भएको हो।याे आन्दोलनका जिल्लामा पहिलाे पटक भएकाे हाे ।
कार्यक्रमअन्तर्गत महासंघले विद्यालय शिक्षा ऐन जारी गर्न दवाव दिने भन्दै सिमकाेट गाउँपालिकाकाे अगाडि गएर नारा जुलुस गरिएकाे थियाे ।सरकारमा सदनको हिँउदे अधिवेशनबाट पनि विद्यालय शिक्षा विधेयक अघि बढ्न नसकेपछि महासंघले अनिश्चितकालीन बिद्यालय बन्द गरि सदरमुकाम सिमकाेट सबै शिक्षक केन्द्रीत भएर सडक आन्दोलन सुरू गरेको देखिन्छ ।
यसअघि भएको सहमतिका आधारमा विद्यालय शिक्षा विधेयक पारित गर्नुपर्ने महासंघको माग छ । महासंघले आफ्ना मागहरु पुरा नभए शिक्षकहरु विद्यालय नफर्कने चेतावनी समेत दिएको छ। हुम्ला जिल्ला भरिका बिद्यालयका शिक्षकहरु आन्दोलनमा सहभागी थियाे ।
शिक्षा विधेयक प्रतिनिधिसभामा पेश भइ छलफलका क्रममा छ। विधेयकमा रहेका कतिपय प्रावधानमा शिक्षकहरुको असहमति छ । जिल्ला सदरमुकाम सिमकाेट करिब एक सय भन्दा बढि शिक्षकहरुले सिमकाेटकाे माथिल्लो बजारकाे लाेकतन्त्र चाेक हुँदै तल्लो बजार झुपिरुख त्यस्तै स्थानीय तहमा पनि गएर सान्तपुर्ण आन्दोलन गरिएकाे थियाे । शिक्षक आन्दोलनमा गएपछि जिल्लाका १ सय ४१ सामुदायिक बिद्यालय बन्द हुने भएका छन् ।
अब हुम्ला जिल्ला बाट पनि शिक्षक आन्दोलनमा सहभागी जनाउन काठमाडौ जाने भएका छन् । शिक्षक काठमाडौ आन्दोलनमा गए जिल्लाका बिद्यालय बन्द हुने देखिएकाे छ । जिल्लामा शिक्षक पाँच वटा संगठनमा आवद्ध हुँदै आएका छन् ।