जेष्ठ नागरिकलाई कम्मल सहयोग

जेष्ठ नागरिकलाई कम्मल सहयोग
Logo
Karnali Serophero शुक्रबार, फाल्गुण ०९, २०८१

हुम्ला । सिमकोट गाउँपालिका–१ ठेहे गाउँका जेष्ठ नागरिकहरूलाई कम्मल सहयोग गरिएको छ । फागुन ९ गते सुर्य ज्योति लाइफ इन्स्योरेन्स हुम्ला शाखाको आयोजनामा सोही वडाका जेष्ठ नागरिकहरूलाई कम्मल र सल वितरण गरिएको हो । करीव ७० वर्ष भन्दा माथिका जेष्ठ नागरिकहरूलाई चिसोबाट बच्ने उदेश्यका साथ उक्त सामग्रि वितरण गरिएको हुम्ला शाखाका ब्रान्च म्यनेजर राजन रावतले जानकारी दिए ।

उनका अनुसार सिमकोट गाउँपालिका वडा नम्वर १ ठेहे बस्ती मध्येका न्युन आयस्रोत भएका ४० जना जेष्ठ नागरिकहरूलाई न्यानो बनाउनका लागि शाखाले यसको थालनी गरिएको हो । सोही दिन सदरमुकाम सिमकोटबाट १ नम्वर वडाका वडाअध्यक्ष गोर्खबहादुर लामा, सुर्य ज्योति लाइफ इन्स्योरेन्स हुम्ला शाखाका प्रमुख राजन रावत, नेपाल पत्रकार महासंघ हुम्लाका सचिव नन्द सिंह र सुर्य ज्योति लाइफ इन्स्योरेन्सका अप्रेशन इन्चार्ज लोग भण्डारी गाउँमा पुगे लगतै औपचारिक रुपमा कम्मल वितरण कार्यक्रम सञ्चालन भएको थियो ।

वितरण कार्यक्रममा जिल्ला समन्वय समिति हुम्लाका सदस्य दिपा भण्डारी र नेपाल पत्रकार महासंघ हुम्लाका उपाध्यक्ष शुरस परियारको पनि सहभागिता रहेको थियो । सामग्रि वितरण कार्यक्रममा बोल्दै आयोजक समेत रहेका हुम्ला शाखाका प्रमुख राजन रावतले ३० वटा कम्मल र १० वटा सल सहयोग गरिएको बताए ।

उनले सिमकोट गाउँपालिका मात्रै नभई आगामी दिनहरूमा यो अभियानको थालनीको पर्यास गर्ने स्थानीय सहभागि तथा कम्मल पाएका जेष्ठ नागरिकलाई जानकारी गराए । वितरणका क्रममा सो क्षेत्रका स्थानीय नागरिकलाई विमा भनेको के हो ? विमा किन र कसरि गरिन्छ ? विमाको आवश्यक्ता के छ ? लगायतका विभिन्न विषयमा प्रमुख रावतले प्रस्ट पारेका थिए ।

उक्त कम्मल र सल उपलव्ध पछि ठेहे गाउँका जेष्ठ नागरिकले सहयोगि दाता सुर्यज्योति लाइफ इन्स्योरेन्स कम्पनीलाई धन्यवाद ज्ञापन गर्दै आगामि दिनमा पनि पुनः आशा अपेक्षा गरेको बताएका थिए । कार्यक्रम दुई घण्टासम्म सञ्चालन भएको शाखाका अप्रेशन इन्चार्ज लोग भण्डारीले जानकारी दिए ।

 

प्रतिक्रिया
हाम्रो टीम

प्रबन्ध निर्देशक: नन्द सिंह
सम्पादक: लक्ष्मी बुढा
सह–सम्पादक: ओबराज शाही
प्रमुख रिर्पोटर: लोग भण्डारी
रिर्पोटर: ऐटन रावल

सम्पर्क

karnaliserophero.com
tel: ०८७६८०१६२
mobile no : ९८४८३१८०९२
karnaliserophero[email protected]
[email protected]

हाम्रो बारे

सूचना विभाग दर्ता नं. ४८५८–२०८१–२०८२

    प्रकाशक
रेजिना मल्टी मिडिया
सिमकोट ५ , हुम्ला