हुम्ला । हुम्ला जिल्लाको सदरमुकाम सिमकोट स्थित शिवमन्दिर र सिमसार क्षेत्रको सरसफाई गरिएको छ । फागुन ८ गते विहान ८ वजेदेखि सिमकोट गाउँपालिका–५ स्थित शिव मन्दिर र सोही वडामा रहेको सिमसार क्षेत्रको सरसफाई गरिएको हो ।
जिल्लाका सरकारी तथा गैर सरकारी कार्यालयका कर्मचारी, राजनितिक दलका नेता, स्थानीय तहका जनप्रतिनिधि, सुरक्षाकर्मी र सञ्चारकर्मी लगायतका व्यक्तिहरूको सक्रियातामा करीव २ घण्टा उक्त क्षेत्रको सरसफाई गरिएको प्रमुख जिल्ला अधिकारी नारायण पाण्डेले कर्णाली सेरोफेरो अनलाइनलाई जानकारी दिए ।
जिल्लाको पर्यटकिय क्षेत्र र धार्मिक स्थलका रुपमा रहेको शिब मन्दिरमा पर्यटकहरूले पुजा गर्नुका साथै दर्शन गरि मनको कामना गर्ने स्थल रहेकोले त्यसको महत्वकाङछिलाई मध्ये नजर गर्दै जिल्ला स्थित सम्पुर्ण व्यक्तित्वहरूद्धारा सरसफाईको खाँचो रहेको भन्दै त्यसलाई सफासुन्दर बनाउन तर्फ लागेको बताइएको छ ।
त्यस्तै जिल्लाको सुन्दर पर्यावरणीय र सो क्षेत्रमा बस्दा उमंग, शान्त, स्वच्छ बातावरण र रमणिय स्थलका रुपमा रहेको सिमसार क्षेत्रको पनि सरसफाई गर्दा निक्कै परिवर्तन देखिएको छ । तर यी विभिन्न कार्यक्रम राष्ट्रिय प्रजातन्त्र दिवसको अवसरामा सञ्चालन गरिएको हो । सदा झै यो वर्ष पनि फागुन ७ गते मनाइदै आएको राष्ट्रिय प्रजातन्त्र दिवसलाई भव्यसव्य रुपमा मनाउने भन्दै यस अघि जिल्ला स्तरीय समिति, हुम्ला गठन भएको थियो ।
त्यस अनुरुप वा दिवसको अवसरमा फागुन ६ गते जिल्लाका ४३ वटा सरकारी कार्यालयहरूले आ–आफ्नो कार्यालयको आँगनमा दिपावली गर्नुका साथै प्रत्येक कार्यालयमा रहेको पुरानोलाई निकाल्दै नयाँ राष्ट्रिय झण्डालाई परिवर्तन गरिएको थियो । फागुन ७ गते जिल्ला स्तरीय समिति, हुम्लाको आयोजनामा जिल्ला समन्वय समितिको आँगनमा ७५ औँ राष्ट्रिय प्रजातन्त्र दिवस मनाइएको थियो ।
उक्त अवसरामा सिमकोट २, ५ र ६ का महिलाहरूले देउडा गीत पर्दशनी गरिकी थिइन भने वडा नम्वर ३, ४ की महिलाहरूले थाइकोर नाच देखाएका थिए । सोही अवसर पार्दै अन्तिम दिन फागुन ८ गते सरसफाई गर्दै दिवसको अन्त्य गरिएको प्रजिअ पाण्डेको भनाई छ । नेपालमा जाहानिय राणाशासनको अन्त्य गर्दै २००७ सालमा चार जना महान योद्धाहरूले आफ्नो ज्यानको बलिदान दिंदै प्रजातन्त्र ल्याएका थिए ।
तर ज्यानको आहुती दिएका महान यौद्धाहरू मध्य दुई जनालाई बन्दुक हानेर मारिएको थियो भने दुई जनालाई झुण्ड्याएर हत्या गरिएको थियो । सोही व्यक्तिहरूको सम्झनामा नेपालमा हरेक फागन ७ गते राष्ट्रिय प्रजातन्त्र दिवस मनाइदै आएको छ ।