हुम्ला । ७५ औं राष्ट्रिय प्रजातन्त्र दिवस हुम्ला जिल्लामा मनाउनका लागि जिल्ला स्तरीय मुल समारोह समिति गठन गरिएको छ । जिल्ला प्रशासन कार्यालयमा वसेको सर्वपक्षीय बैठकले यसवर्ष उक्त दिवस तीन दिन विभिन्न कार्यक्रम सञ्चालन गरेर मनाउने निर्णय गरेको हो ।
राष्ट्रिय प्रजातन्त्र दिवस मनाउन जिल्ला समन्वय समितिका कार्यवाहक प्रमुख दिफ भण्डारीको अध्यक्षमा जिल्ला स्तरीय मुल समारोह समिति गठन गरिएको छ । समितिमा जनप्रतिनिधि, प्रमुख जिल्ला अधिकारी, राजनीतिक दलका नेताहरु, संघसंस्थाका प्रमुख, नागरिक समाज अगुवाहरु रहेका छन् । त्यसैगरि दिवस मनाउन फागुन ६, ७ र ८ गते सबै सरकारी कार्यालय, प्रतिष्ठान तथा संघ संस्थाका कार्यलयमा राष्ट्रिय झण्डा राख्ने, साँझ सवै कार्यालय, जिल्लावासीको घरमा दिपावली गरिनेछ ।
त्यसैगरि फागुन ७ गते बाजा सहितको र्याली लोकतन्त्र चोकबाट निकालेर जिल्ला समन्वय समितिमा पुगेर सभामा परिणत हुनेछ । सो कार्यक्रममा स्थानीय महिलाहरुले पहिरनमा देउडा गीत गाउने छन भने लामा महिलाहरु ठाईकोर नाच प्रर्दशन गर्नेछन् ।
फागुन ८ गते सवै पक्षको सहभागिता शिब मन्दिरको सरसफाई गरिनेछ भने जिल्ला अस्पतालले आवश्यकताको आधारमा रक्तदान कार्यक्रम सञ्चालन गरिने भएकाे छ । त्यस्तै गाउँपालिकास्तरमा पनि प्रजातन्त्र दिवस मनाउने परिपत्र जारी भएको छ ।