हुम्ला । नेपाल आदीवासी जनजाति पत्रकार महासंघ हुम्ला शाखाको अध्यक्षमा नरजन तामाङ सर्वसम्मत रुपमा चयन भएका छन् । महासंघको फागुन ४ गतेको साधारण भेलाले तामाङको नेतृत्वमा जिल्ल कार्य समिति चयन गरेको हो ।

भेलाले सर्वसम्मत रुपमा चयन गरेको जिल्ला कार्य समितिको अध्यक्षमा तामाङ, उपाध्यक्षमा छपाल लामा, सचिवमा भक्तराज ऐडी, कोषाध्यक्षमा अभिनास लामा, सहसचिवमा मिग्युर लामा सहित ९ सदस्यीय कार्यसमिति गठन गरिएको छ । त्यसैगरि महासंघको सदस्यमा ऐटन रावल, कमिलाल ऐडी, छ्वाङ लामा र कुन्साङ तामाङ पनि सर्वसम्मत चयन भएका छन् ।

उक्त महासंघको हुम्ला शाखा पहिलो पटक गठन भएको छ । महासंघ गठन बारे जानकारी गराउन फागुन ५ गते विहान ८ वजे जिल्ला सदरमुकाम सिमकोटमा पत्रकार भेटघाट कार्यक्रमको आयोजना समेत गरिएको थियो । पत्रकार भेटघाट कार्यक्रममा बोल्दै अध्यक्ष तामाङले पत्रकारिता क्षेत्रको संस्थागत विकास र ब्यवसायी पत्रकारिताको काम गर्ने उल्लेख गरेका थिए ।

उक्त कार्यक्रममा नेपाल पत्रकार महासंघ हुम्लाका अध्यक्ष राजन रावतले नयाँ गठन भएको महासंघका पदाधिकारीलाई पत्रकारिता क्षेत्रमा कुनै पनि अतुलनिय रुपमा आँच आउने कार्य नगरि जिल्लामा सकारात्मक तथा नकारात्मक विषयलाई सत्य तथ्य रुपमा बाहिर निकाली उजागार गर्न सुझाव समेत दिएका थिए । उनले जिल्लाको हकहित र अधिकारका क्षेत्रमा काम गरे पत्रकार महासंघ पनि पुलका रुपमा सहयोग गर्ने जानकारी गराएका थिए ।